Biznesmeni dhe sipërmarrësi global, Mohamed Alabbar ka deklaruar se ndërtimin në portin e Durrësit ishte një gabim. Në një rrëfim të publikuar më 1 gusht, Alabbar u shpreh se ndërtimi në Shqipëri u bë shumë shpejt dhe se ishte një gabim.
“Për shembull, në Shqipëri e ndërtova shumë shpejt. Ishte një gabim,” deklaroi ai.
Më tej, Alabbar ndalet te përvoja e tij në Mal të Zi, ku thotë se nuk duhej të kishte marrë pjesë në tenderin për plazhet, duke e cilësuar atë si një ide budallaqe. Ai thotë se pas këshillave ligjore që kishte marrë, kompania e tij paraqiti një ofertë më të lartë për të siguruar fitoren në tender. Megjithatë Mohamed Alabbar e konsideron këtë si një vendim të gabuar.
Mohamed Alabbar: Për shembull, në Shqipëri e ndërtova shumë shpejt. Ishte një gabim. Në Mal të Zi mendoj se nuk duhej të kisha marrë pjesë në tenderin për plazhet. Ishte një ide budallaqe. Gjithmonë debatoja me avokatin tim indian, sepse i thosha: “Dëgjo, a të kujtohet çfarë bëmë në Serbi? Ndërtuam atë shëtitore të bukur para se të nënshkruhej kontrata. Do të bëjmë një beach club aq të bukur, sa ndoshta njerëz nga qytete të tjera do të na telefonojnë.Oh, këta janë njerëz të mirë, e dini. Ose ndoshta në Long Beach, nuk e di ose pak më në veri të Budvës, ka disa plazhe shumë të bukura.”
Donim t’u tregonim atyre një lloj shenje dalluese tonën. Pastaj unë i thashë: “Kam marrë këshillë ligjore, sepse nuk kemi përvojë lokale. Duhet të paguajmë pak më shumë që të shpallemi fitues.”
Por oferta jonë doli e gabuar. Fituam rreth nëntë plazhe dhe, kur pashë që kryetari i Ulqinit ishte i zemëruar, i thashë: “Zotëri, më vjen shumë keq. Ishte gabimi im. Ua kthej të gjitha plazhet familjeve tuaja. Nuk kam asnjë interes për to.” Pra, ishte një gabim.
The post Mohamed Alabbar ndërron mendje për investimin në Shqipëri: Ndërtimi në Portin e Durrësit ishte një gabim, veprova shumë shpejt appeared first on Gazeta Shqiptare Online.
