Dardan Molliqaj ka thënë se Ramush Haradinaj ishte i guximshëm në luftë, por guxim të njëjtë s’ka në politikë, njofton Klan Kosova.
“Ramush Haradinaj ishte guximtar në luftë, por frikacak e lakmitar në politikë”, pohoi sekretari organizativ i Vetëvendosjes për kryetarin e Aleancës për Ardhmërinë e Kosovës.
“Po frikësohet të dalë në debat me Albin Kurtin; mos u fsheh, por dil përballë kryeministrit të ardhshëm, Albin Kurti. Ramush Haradinaj i ka dy rrugë, një humbje të dinjitetshme dhe një pa dinjitet, ai le ta zgjedhë cilën të dojë, por humbjen e ka të sigurt”.
Molliqaj, në një tubim të Vetëvendosjes në Gjakovë, përsëriti se “për kriminelët e kemi veç një vend, ai është burgu”.
