Moti sot do të jetë i ndryshueshëm me vranësira dhe i paqëndrueshëm me reshje lokale të rrëmbyeshme shiu, parashikon Administrata Hidrometeorologjike (HMA). Reshjet do të jenë më të bollshme në pjesët perëndimore dhe jugperëndimore të vendit, ku pritet të bien mbi 20 litra për metër katror, ndërsa reshjet do të shoqërohen me bubullima dhe erëra të forta veriperëndimore.
Temperatura e mëngjesit do të jetë në intervalin prej pesë deri në 13 gradë Celsius, ndërsa temperatura e ditës do të jetë nga 13 deri në 24 gradë.
Edhe në Shkup sot pritet të mbajë mot i ndryshueshëm me vranësira dhe jostabil me shira lokalë të rrëmbyeshëm. Gjatë ditës do të fryjë erë mesatare deri e fortë nga veriu. Temperatura do të sillet nga 10 gradë në mëngjes deri në 23 gradë gjatë ditës.
Për nesër, sinoptikanët parashikojnë mot me vranësira të ndryshueshme me periudha me diell. Do të fryjë erëra mesatare deri të forta nga veriu, të cilat përgjatë lumit Vardar do të kalojnë 50 kilometra në orë. Temperatura maksimale nesër do të jetë në intervalin prej 18 deri në 26 gradë.
