Një ngjarje e rëndë është shëënuar mëngjesin e kësaj të diele në kryeqytet, ku një 11-vjeçare ka humbur jetën si pasojë e rrymës elektrike.
Policia bën me dije se vogëlushja ishte transportuar në Spitalin e Traumës për të marrë ndihmë mjekësore, por fatkeqësisht nuk ka mundur të mbijetojë.
Sot, rreth orës 08:35, është konfirmuar nga stafi mjekësor, se e mitura ka ndërruar jetë, shtojnë blutë e Tiranës.
Njoftimi i policisë:
Tiranë/Informacion paraprak
Më datë 02.07.2022, është paraqitur në Spitalin e Traumës për të marrë ndihmë mjekësore, një e mitur 11-vjeçare, e cila në banesë ka rënë në kontakt me rrymën elektrike.
Sot, rreth orës 08:35, është konfirmuar nga stafi mjekësor, se e mitura ka ndërruar jetë.
Grupi hetimor po punon për sqarimin e rrethanave të ngjarjes./GSH