Në ditët e para të pushtimit, Kharkiv, qytet në Ukrainën lindore luftoi kundër një kolone të blinduar ruse. Që atëherë, ai ka pësuar sulme ajrore dhe granatime ruse netëve, me dhjetëra civilë të vrarë dhe qindra të plagosur. Quentin Sommerville i BBC-së dhe kameramani Darren Conway kanë kaluar javën me forcat ukrainase derisa luftojnë për të ndaluar një avancim të mëtejshëm rus.
Ky raport përmban materiale që disa lexues do t’i shohin si shqetësuese.
Viktima e parë e luftës është koha. Pyete ushtarin e ri në front kur ndodhi sulmi, ose plakën në shtratin e spitalit kur shtëpia e saj u granatua, dhe ata të shikojnë të hutuar. Ishte 24 orë më parë, apo 48? Ditët janë bërë një, ju thonë, përcjell Bota sot.
