Policia e Korçës ka njoftuar se dje në rezervuarin e fshatit Vreshtas, është gjetur i mbytur nga familjarët e tij shtetasi M.Z, 70 vjeç, banues në Vreshtas-Maliq.
Nga hetimet e kryera, në trupin e viktimës nuk janë konstatuar shenja dhune dhe shkak i vdekjes së tij dyshohet të ketë qenë një rrëshqitje aksidentale, në vendin ku shtetasi i mësipërm kulloste bagëtitë.
Materialet i kaluan Prokurorisë të Rrethit Gjyqësor Korçë për “Ngjarje aksidentale”.