Gjykata Themelore në Prizren ka caktuar masën e arrestit shtëpiak në kohëzgjatje prej një muaji ndaj të dyshuarit Mentor Shuki.
Lajmin për KALLXO.com e ka bërë të ditur avokati i të dyshuarit, Asdren Bytyqi.
Po ashtu, lajmi për arrestin shtëpiak ndaj të pandehurit M.Sh, është bërë publik edhe nga vetë Gjykata e Prizrenit.
Gjykata saktëson se i pandehuri dyshohet se ka kryer veprën penale blerja, shpërndarja dhe shitja e paautorizuar e narkotikeve, substancave psikotrope dhe analoge.
KALLXO.com raportoi më herët rreth kërkesës së Prokurorisë së Prizrenit që kërkonte 30 ditë paraburgim për Mentor Shukin.
Mbrëmë KALLXO.com raportoi se në mesin e disa të dyshuarve të arrestuar për posedim/trafikim të lëndëve narkotike ishte edhe Mentor Shuki.
