Zyrtarët e BDI-së në Qeveri ende nuk kanë një datë të sigurt se kur do të miratohet Ligji për Gjuhën Shqipe. Zëvendëskryeministri Bujar Osmani deklaroi sot se ky ligj do të përgatitet brenda tre muajsh, respektivisht para zgjedhjeve lokale.
Osmani tha se pas përpilimit, propozim-ligji do të dorëzohet në Kuvend, dhe më pas edhe në Komisionin e Venedikut. Osmani i ka bërë këto komente sot gjatë prezantimit të dokumentin strategjik, të ashtuquajtur “369”. /SHENJA
