Rezoluta e PDK-së për Grevën e përgjithshme të sindikatave nuk ka kaluar në seancën e mbajtur sot në Kuvendin e Kosovës.
Kjo rezolutë ka marrë vetëm 22 vota për, 39 vota kundër, dhe 6 abstenime. Kundër kësaj rezolute kanë votuar deputetët e partisë në pushtet.
Në seancën e djeshme ka pasur debat parlamentar në lidhje me grevën në arsim. Partitë opozitare kanë kërkuar nga Qeveria që sa më parë të gjejë zgjidhje për dalje nga situata, e në anën tjetër, kryeministri i Kosovës, Albin Kurti ka thënë se greva po përdoret nga opozita si armë kundër Qeverisë së tij.
Si pikë e dytë i kërkohet Qeverisë po ashtu që brenda 5 ditësh nga miratimi rezolutës të përfshijë përfaqësuesit e autorizuar të BSPK-së në Grupin Punues për hartimin e Projektligjit të Pagave, para miratimit të tij dhe të marr në konsideratë propozimet e tyre.
Dhe në pikën e tretë të kësaj rezolute që e lexoi dje në seancë parlamentare shefi i Grupit Parlamentar të PDK-së, Abelard Tahiri, i kërkohet Qeverisë të adresojë masat për kërkesat tjera të sindikatave.
Përveç kësaj rezolute, në rend të ditës janë edhe disa Projektligje të mbetura nga seancat e kaluara, një ndër to edhe shqyrtimi i parë i Projektligjit për ndryshimin dhe plotësimin e Ligjit për Skemat Pensionale të Financuara nga Shteti.
Pas votimit të rezolutës seanca fillon me pikat e papërfunduara nga seanca plenare më 15 shtator 2022.
