Numri i personave të vrarë në sulmin ajror në bazën ushtarake në Lviv është rritur në 35, tha guvernatori rajonal Maksym Kozytskyy.
Ndërkaq tha se 134 të tjerë u plagosën.
Qendra ushtarake e Yavorivit u godit nga 30 raketa ruse, thonë zyrtarët ukrainas, herët në mëngjes.
Ky është sulmi ajror më perëndimor i konfliktit deri më tani, afër kufirit të Ukrainës me Poloninë, një anëtare e NATO-s.
Baza u përdor gjithashtu nga aleatët e NATO-s për trajnimin e ushtrisë ukrainase.
