Një xhami në Prishtinë është bërë vatër e prostitucionit dhe drogës. Këtë shqetësim e ka ngritur sot përfaqësuesi i imamëve të Prishtinës Idriz Gjigolli, në takimin që është diskutuar për sigurinë në vend e që prezent ishte edhe ministri i Punëve të Brendshme Skënder Hyseni.
Rexhep Sijarina nga Policia e Kosovës ka thënë se kanë marrë telefonata dhe se aty kanë has në raste te narkomanëve dhe prostitucionit, transmeton Kosovapress.
Sipas tij policia ka dalë në vend të ngjarjes dhe në disa raste edhe kanë takuar persona të tillë.
Kjo xhami nuk është funksionale pasi që është në renovim. Nuk është bërë e ditur se për cilën xhami saktësisht është fjala.
