Duke folur për bombat e LSDM-së, zv.kryeministri për çështje evropiane Bujar Osmani në emisionin “Samo vistina” në TV Kanal 5 ka thënë se ata si BDI kanë kërkuar që të hetohet gjithçka për BDI-në që nga themelimi i saj si parti politike.
“BDI ka rëndësi të madhe tek shqiptarët do të mbetet pjesë e historisë së shqiptarëve edhe për gjeneratat e reja dhe nuk duam të ketë asnjë njollë në historinë e saj” , ka thënë Osmani.
Osmani në vazhdim ka thënë se madje ata kanë parë si opsion edhe hetim ndërkombëtar për secilin në BDI sepse ata nuk fshehin asgjë.
Ndryshe zv/kryeministri, Bujar Osmani është edhe ministri i cili ka trazuar gjithë ballkanin me vizitat e tij krahas bashkëpunimit rajonal për të të çuar Maqedoninë në NATO dhe BE./TetovaSot
