Komisioni Zgjedhor i AKR-së, pas përfundimit të afatit për shpalljen e kandidaturave për President të AKR-së që mbaroi mbrëmë në orën 00.00, njofton se kandidati i vetëm i aprovuar nga KZ është Presidenti aktual Behgjet Pacolli.
Në njoftimin e lëshuar nga Komisioni Zgjedhor i AKR-së, thuhet se Pacolli si kandidat i vetëm do të vazhdojë garën për të fituar besimin e anëtarësisë së AKR-së në votimin që të mbahet të hënën e ardhshme me 20 shkurt 2017.
“Komisioni Zgjedhor në bashkëpunim të ngushtë me komisionet Zgjedhore të Degëve po vazhdon përgatitjet për zhvillimin sa më të mirë të këtij procesi. Kandidati Pacolli ka të drejtën që për dy ditë të zhvillojë fushatën e tij nëpër Degët e AKR-së”, thuhet në njoftim.
Komisioni Zgjedhor, poashtu njofton se votimi elektronik do të jetë i hapur me datën 18 shkurt 2017, nga ora 00.00 dhe do të qëndrojë hapur deri në ditën e votimit në ora 17.00.
