Policia ka ngritur kallëzim penal kundër ish kryetarit të Strumicës, Kostadin Kostadinov mbi dyshimet për shpërdorim me detyrën zyrtare gjatë prokurimeve publike. Bashkë me të kallëzohen edhe ish drejtori i transportit publik në Strumicë dhe përgjegjësi për rregullimin e çështjeve teknike gjatë tenderimit të autobusëve elektrik. Sipas kallëzimit penal, ish kreu i Strumicë dhe 5 persona të tjerë kanë dëmtuar buxhetin për 430 milion denarë. Personi i angazhuar për përgatitjen teknike të tenderit nuk ka pasur licencën adekuate, ndërsa anëtarët e komisionit edhe pse e kanë ditur një informacion të tillë, kanë marrë pjesë në komision për tenderimin e tyre. Në kallëzim janë përfshirë edhe veprat për shpërdorim i detyrës zyrtare si dhe puna e pandërgjegjshme. /Alsat.mk
