Para nesh është një detyrë komplekse, përmes një qasjeje tërësore për të ndërtuar një sistem sistemik, mediatik, por, mbi të gjitha, rezistencë personale ndaj dezinformimit. Ne mund ta arrijmë këtë vetëm përmes bashkëpunimit të ngushtë të institucioneve shtetërore, partive politike, komunitetit të biznesit, shoqërisë civile dhe mediave, tha Presidenti Stevo Pendarovski sot në Konferencën Rajonale për Shkrim-Lexim Mediatik BE-Ballkani Perëndimor: “Ballafaqimi me keqinformimin”, organizuar nga Delegacioni të Bashkimit Evropian në Republikën e Maqedonisë së Veriut dhe Institutit për Media të Maqedonisë.
Procesi i edukimit të shkrim -leximit mediatik dhe keqinformimit në shkollat tona fillore dhe të mesme, tha ai, do të na mundësojë krijimin e brezave të nxënësve të cilët do të mund të njohin më lehtë dezinformatat dhe të formulojnë pikëpamjet e tyre bazuar në informacionin përkatës dhe të verifikuar.
“Ne duhet të sigurojmë kushte më të mira për punë profesionale dhe të pavarur në media dhe trajtimin e dezinformatave. Kjo nënkupton zbatimin e vazhdueshëm të rregulloreve ekzistuese dhe përmirësimin e tij në përputhje me standardet evropiane në këtë fushë.
Ne gjithashtu duhet të mbështesim mekanizmat vetë-rregullues në sferën e mediave, si dhe platformat e verifikimit të fakteve”, tha Pendarovski.
