Për pensionet e veteranëve Mustafa foli me shefin e FMN –së në Kosovë

Sakte.net /e Premte 30 Shtator 2016 – 15:59

Kryeministri i Republikës së Kosovës, Isa Mustafa, priti në takim shefin e Misionit të Fondit Monetar Ndërkombëtar (FMN) për Kosovën, Jacques Miniane, njofton kumtesa nga Kryeministria, transmeton Koha.net.

Në takimt, ku ishte i pranishëm edhe ministri i Financave, Avdullah Hoti, u bisedua për trendet e zhvillimit ekonomik si dhe proceset në sektorin financiar dhe fiskal në Kosovë.

Pasi e njoftoi për situatën ekonomike në vend, kryeministri Mustafa foli për performancën fiskale si dhe përkushtimin e Qeverisë për respektimin e mëtejshëm të marrëveshjes me FMN-në në aspektin e menaxhimit të financave.

Shefi i Misionit të FMN-së për Kosovën, Jacques Miniane, vlerësoi përkushtimin e Qeverisë së Kosovës.
Gjatë takimit, u bisedua për çështjen e pagesës së pensioneve për veteranët e luftës së Ushtrisë Çlirimtare të Kosovës dhe nevojën e adresimit ligjor të kësaj çështje, në përputhje me planifikimet e mëhershme të dakorduara me subjektet përgjegjëse dhe me FMN-në.Koha.net