Shkruan: Faton Fazliu
Shqiptarët e Maqedonisë i’ u gëzuan fitores së gjatëpritur të 2001-it të rinisë shqiptare dhe prandaj ua dhanë të gjitha – përfshi shpresën dhe votën – atyre që formuan parti duke e përvetësuar edhe emblemën e shenjtë të UÇK-së! Por BDI-ja që ua morri shqiptarëve të gjitha, popullit të vet i dha vetëm përbuzje, varfëri dhe nëpërkëmbje të shpresës së rinisë shqiptare që vazhdon ta braktis vendlindjen! Kështu që, vetëm me mosvotimin e kësaj partie, shqiptarët e Maqedonisë mund t’i rikthejnë më të vlefshmet që ua shkeli dhe përbuzi kjo parti: krenarinë dhe shpresën! Dhe duhet thënë qartë e shqip: nuk kanë pse votojnë për Lëvizjen Besa ata që mendojnë se nuk është përbuzëse të të përfaqësojnë këta leninistët e BDI-së që nuk e kanë frikë as popullin dhe as Zotin, këta që për përfitime personale, lejuan të na ndodh “Sopoti”, “Brodeci”, “Monstra”, Likuidimi i Harun Aliut me shokët , Nata e Tradhtisë së madhe në Kumanovë, Projekti Shkupi 2014…
