Kryesia e Partisë Demokratike të Kosovës për katër orë resht ka mbajtur mbledhje për të diskutuar lidhur me rezultatin e zgjedhjeve të 11 qershorit si dhe për zgjedhjet lokale që do të mbahen më 22 tetor.
Në mbledhje të Kryesisë, e cila ka nisur në ora 10:00 dhe përfundoi rreth orës 14:00 është diskutuar edhe për reformat e thella që pritet të bëhen shumë shpejt.
Burime të Telegrafit bëjnë me dije se në këtë mbledhje kryetari i PDK-së ka paralajmëruar se ata që nuk kanë çfarë t’i japin më partisë dhe janë të dyshuar për korrupsion do t’u tregohet dera e partisë.
Mbledhja e radhës e Kryesisë së PDK-së do të mbahet të hënën në ora 10:00.
