Kryeministri i Shën Vinsentit, një vend i vogël në Karaibe, u plagos në kokë gjatë protestave. Sipas BBC, Ralph Gonsalves po ecte mes turmës përpara parlamentit, kur u godit me një gur në kokë.
Pamjet tregojnë kryeministrin e përgjakur. Ai është dërguar në Barbados për një mjekim më të specializuar, raporton Reuters.
Protestuesit ishin mbledhur përpara parlamentit për të protestuar kundër planit që bluzat e bardha të vaksinohen kundër Covid-19.
Vendi ka regjistruar 2298 raste me koronavirus dhe 12 vdekje që kur nisi pandemia. 9 përqind e popullatës është vaksinuar deri më tani.
Industria e turizmit në këtë vend që përbëhet nga 32 ishuj është goditur rëndë nga pandemia. Për më tepër, vendi u godit edhe nga një vullkan në prill.
© SYRI.net
