Gjykata Speciale është betejë që Kosova duhet ta kalojë.
Kështu tha Kadri Veseli, në përvjetorin e 19-të të masakrës së Reçakut, raporton KTV.
Ish-ambasadori i OSBE-së, William Walker, puna e të cilit është fryti i lirisë së Kosovës, kujton me dhimbje masakrën.
Pikëllim të thellë shprehin familjarët e të rënëve.
Në Reçak homazhe kanë bërë edhe presidenti i Kosovës, Hashim Thaçi, e kryeministri, Ramush Haradinaj.
Presidenti Thaçi tha se në Reçak u vërtetua edhe më mirë politika serbe e terrorit sistematik ndaj kosovarëve.
Thaçi dhe Haradinaj kanë bërë homazhe bashkërisht, kurse ka qenë kryetari i Kuvendit, Kadri Veseli që ka shkuar i ndarë.