Një person është asfiksuar si pasojë e tymit të krijuar nga zjarret në fshatin Frashtan të Dropullit.
Burimet bëjnë me dije për gazetën Shqiptare se qytetari me iniciale K.Z. është gjetur i shtrirë në tokë në gjendje asfiksie në hyrje të fshatit.
Ai është dërguar në gjendje të rëndë në spitalin e Gjirokastrës. Për shkak të gjendjes, pritet që ai të niset drejt Janinës.
Zjarri ka përfshirë tre fshatra në zonën e Dropullit ku flakët i janë afruar banesave. Ndërhyrja është e vështirë për shkak të terrenit malor.
Zjarrëfikëset po punojnë me mjete rrethanore ndërsa pritet ndërhyrje nga autoritetet greke./GSH
