Policia ka publikuar të enjten informacion në lidhje me plagosjen me armë zjarri të 11-vjeçarit në Pukëm në fshatin “Dom Gjegjan” rreth orës 16:20.
Me anë të një njoftimi, policia bëri me dije se 17- vjeçari me iniciale R.C. ka qëlluar me armë zjarri drejt 11-vjeçarit duke e plagosur në këmbë.
Paraprakisht dyshohet se ngjarja ka ndodhur për shkaqe aksidentale, ndërsa mituri është dërguar me helikopter drejt Spitalit të Traumës në Tiranë.
Sakaq, Policia po punon për kapjen e autorit 17-vjeçar.
Njoftimi i policisë:
Rreth orës 16:20, në fshatin “Dom Gjegjan”, Pukë, në rrethana ende të paqarta është plagosur me armë zjarri, një i mitur 11 vjeç, i cili po dërgohet në Spitalin e Traumës Tiranë.
Falë veprimeve të shpejta hetimore është bërë identifikimi i autorit të dyshuar të ngjarjes, shtetasi R. C. 17 vjeç dhe po punohet për kapjen e tij.
Grupi hetimor nën drejtimin e Prokurorisë po punon për sqarimin e rrethanave të kësaj ngjarje./GSH
