Kryeministri Ramush Haradinaj me ngulm po kërkon që platforma për dialogun të hidhet në votim para deputetëve të Kosovës.
Kryetari i Kuvendit, Kadri Veseli ka bërë të ditur se të enjten në ora nëntë do fillojë seanca e thirrur nga kryeministri Ramush Haradinaj për platformën e legjitimitetin e ekipit negociator.
Në partinë iniciuese të kësaj platforme, Partinë Socialdemokrate, janë të bindur se dokumenti për dialogun do kalojë në Kuvend, raporton T7.
Platformën për dialogun e më parë e ka trajtuar edhe Komisioni për Punë të Jashtme, por që në mungesë kuorumi ishte proceduar pa përkrahje të këtij organi.
