Gjatë këtij uikendi nga ana e policisë në koordinimi me Inspektoratin Shtetëror të Tregut është kryer kontroll në 8 objekte hotelierike në Tetovë. Sipas zëdhënësit të MPB-së, Suzana Pranjiç Talevska, gjatë kontrollit janë hasur 6 persona të cilët nuk posedonin certifikatë vaksinimi dhe 2 persona pa dokumente identifikimi. Nga ana e Inspektoratit Shtetëror të Tregut përkohësisht janë mbyllur 2 objekte, ndërsa nga ana e Drejtorisë për të Ardhura Publike janë shqiptuar 5 gjoba objekteve hotelierike, për mos dhënien e kuponit fiskal.
