Presidenti kinez Xi Jinping festoi të shtunën 66 vjetorin e lindjes së tij së bashku me presidentin rus Vladimir Putin.
Dhe Putin e befasoi homologun e tij me dhuratën për ditëlindje.
Presidenti rus i bleu Jinping akullore.
Dy liderët u takuan në Dushanbe, kryeqytetin e Taxhikistanit, ku morën pjesë në konferencën e “Confidence-Building Measures in Asia”.
Ky është takimi i tyre i dytë brenda pak javësh. Putin dhe Jinping u takuan në samitin e Organizatës së Bashkëpunimit të Shanghait (SCO) në kryeqytetin e Kirgistanit, Bishkek.
“Lideri rusi vlerësoi rolin e Jinpingut në zhvillimin e marrëdhënieve dypalëshe dhe vuri në dukje suksesin e vizitës së fundit shtetërore nga Presidenti i Kinës në Rusi”, thuhet në deklaratën e Kremlinit. “Vladimir Putin i dha Xi Jinping akullore ruse si dhuratë për ditëlindje”.
Jinping falënderoi Putinin për akulloren dhe tha se udhëheqësi rus është shumë popullor në Kinë, njoftoi agjencia e lajmeve shtetërore ruse TASS.
Presidenti kinez udhëtoi në Rusi më herët në qershor dhe ishte mysafir i nderit në Forumin Ekonomik Ndërkombëtar në Shën Petersburg.
Në një intervistë me TASS përpara udhëtimit, Jingping e quajti Putinin mikun e tij më të mirë, duke shtuar se e çmonte miqësinë e thellë mes tyre.
Në Rusi, Jinping vizitoi Moscow Zoo me Putinin, ku mori dy panda gjigante kineze si pjesë e “bashkëpunimit kërkimor”.
Të dy liderët gjithashtu u takuan në prill gjatë samitit “Belt and Road Summit” në Pekin.
Ata vlerësojnë shpesh marrëdhënien mes tyre dhe janë takuar më shumë se 30 herë që nga viti 2013.
