Prokuroria ka kërkuar 30 ditë paraburgim për Fitim Thaqi, i cili sulmoi fizikisht të premten gazetarin Vehbi Kajtazi. Avokati Gazmend Halilaj ka thënë për Express se sot është thirr seanca për të vendosur për Thaqin. Ai ka kërkuar që masa ndaj klientit të tij të jetë me e butë se sa masa e arrstit.
“Prokuroria në bazë të informacioeneve që i kemi ka kërkuar që t’i shqiptohet masa e një muaji paraburgim. Ne me të gjitha mjetet tona juridike do të mundohemi që kjo masë të mos mbetet”, ka thënë për Express, avokati Halilaj.
Avokati i sulmuesit Thaqi, Gazmend Halilaj tha se në orën 16:00 pritet të fillojë seanca në të cilën do të vendoset për të mbrojturin e tij. Seanca pritet që të zgjasë rreth dy orë. Prokurorja e cila po e heton këtë rast është Merita Lumezi.
