Në sheshin “Ibrahim Rugova” është mbajtur protestë në mbrojtje të lirisë së mediave dhe sigurisë së gazetarëve, pas rastit të sulmit ndaj gazetarit Vehbi Kajtazi.
I organizuar nga Asociacioni i Gazetarëve të Kosovës ky aksion protestues paraqet reagim kundër sulmeve të fundit që u janë bërë disa gazetarëve, për punën që ata bëjnë.
Shkëlqim Hysenaj, kryetar i AGK-së, ka thënë se drejtësia po neglizhon sulment ndaj gazetarëve dhe se protesta organizohet qëllimshëm para institucioneve, sepse ato duhet të mendojnë për sigurinë e gazetarëve.
Ndërsa i sulmuari, Vehbi Kajtazi, kryeredaktor i Insajderit, ka thënë se presioni ndaj gazetarëve po shkon duke u rritur, nga njerëz që kanë lidhje me pushtetin, duke përmendur edhe sulmin ndaj kolegut të tij, Parim Olluri.
