Kryeministri Hristijan Mickoski njoftoi se do të kompensohen të gjitha dëmet e paraqitura nga ana e qytetarëve. Siç theksoi kryeministri, Qeveria ka mekanizma për ndihmë ashtu siç ka ndodhur në çdo fatkeqësi natyrore.
“Dëmet nga moti i djeshëm do të konstatohen në mënyrë precize dhe do të kompensohen tërësisht nga ana e institucioneve kompetente, sipas procedurave ligjore dhe praktika e deritanishme. Qeveria ka mekanizma për ndihmë dhe asnjëherë nuk do ti lërë qytetarët të vetëm në goditje të tilla nga moti. Falënderoj institucionet dhe kryetarët e komunave që gjatë mbrëmjes pas motit që përfshiu Shkupin, ishin në terren dhe bashkë me institucionet i mënjanuan dëmet. Dëmet do të konstatohen dhe do të kompensohen,” tha Hristijan Mickoski – Kryeministër. /alsat.mk
The post Qeveria premton dëmshpërblim për qytetarët e prekur nga moti appeared first on Alsat.
