Qeveria e Kosovës në tremujorin e dytë të këtij viti ka shpenzuar 439.0 milionë euro.
Kështu thuhet në një raport të publikuar të Agjencia e Statistikave të Kosovës, shkruan Indeksonline.
Pjesa më e madhe e shpenzimeve e përbëjnë kompensimi i punëtorëve me pjesëmarrje 31%, pastaj kontributet sociale dhe përfitimet 24% etj.
“Në TM2 2017 totali i shpenzimeve të Qeverisë së përgjithshme ishte 439.0 milione Euro. Pjesën më të madhe të shpenzimeve e përbëjnë kompensimi i punëtorëve me pjesëmarrje 31%, kontributet sociale dhe përfitimet 24%, formimi i kapitalit bruto 23%, konsumi i ndërmjetëm me pjesëmarrje prej 10%, ndërsa pjesa e mbetur e shpenzimeve është shpërndarë në struktura tjera të shpenzimeve”, thuhet në këtë raport.
