Kryeministri i Shqipërisë, Edi Rama, dje ka zhvilluar një takim me kancelaren gjermane, Angela Merkel.
Ky takim u komentua shumë në Shqipëri, si nga pozita ashtu edhe nga opozita, të cilët e argumentuan me faktet e veta.
Mirëpo, është vetë kryeministri Rama ai që ka dhënë sqarimet e tij në lidhje me deklaratën e Merkel, duke publikuar “mesazhet kyçe” të kësaj deklarate.
Ju sjellim të plotë postimin e Ramës në Facebook:
….Ne sot mund të themi se Shqipëria ka ndryshuar rrënjësisht gjatë viteve të fundit dhe se janë bërë reforma të rëndësishme, të cilat duhet të vazhdojë të ndërmerren. Komisioni Europian ndjek zhvillimet e vazhdueshme në Shqipëri dhe e ka pranuar, gjithashtu, këtë progres në raportin e tij te fundit. Dua të përgëzoj përzemërsisht Kryeministrin Edi Rama për këto hapa përpara.
… Tani natyrshëm, duhet të vazhdojmë së bashku në këtë rrugë, mbi këto piketa të rëndësishme. Komisioni Europian ka identifikuar pesë prioritetet. Ketu përfshihet ndër të tjera zbatimi i vazhdueshëm i reformes ne drejtesi. Por sigurisht edhe lufta kundër krimit të organizuar dhe korrupsionit, ku nevojiten masa të përhershme në rendin e ditës, çka është pohuar edhe nga Komisioni Evropian.
… Unë besoj se ne mund të themi në përgjithësi se tashmë më e rëndësishmja është bërë. Ai që i sheh konfliktet e politikës së brendshme, e di se sa shumë forcë dhe kurajo duhet për të ecur përpara në këtë rrugë. Ne do të flasim më në detaje për se si Gjermania mund të ndihmojë, për të siguruar që përparimi në këtë rrugë të mund të rrënjoset me sukses.
© KOHA.net
