Sonte finalja e Kupës së Botës për Klube, Real Madridi sfidohet nga Al-Hilal.
Sonte do të zhvillohet finalja e Kupës së Botës për Klube.
Në finale do të takohen Real Madridi dhe Al-Hilal. Ndeshja do të zhvillohet nga ora 20:00, në stadiumin “Moulay Abdallah”, shkruan Gazeta Express.
Spanjollët në finale kaluan pasi eliminuan Al Ahlyn në gjysmëfinale duke e mposhtur me rezultatin 1:4, teksa skuadra nga Arabia Saudite triumfoi 2:3 kundër Flamengos.
“Los Blancos” me një triumf eventual sonte do të regjistronin një rekord të ri.
Real Madridi është skuadra që e ka fituar më së shumti herë (4) trofeun e Kupës së Botës për Klube, teksa sonte synon të pestin.
Ndërkaq, Al-Hilal ndodhet për herë të parë në finale të kësaj gare.
Sot do të zhvillohet edhe ndeshja për vendin e tretë, mes Al Ahlyt dhe Flamengos, nga ora 16:30.
