Rezultatet e autopsisë: Në Siri u përdorën armë kimike

Rezultatet e autopsisë tregojnë se në Idlib të Sirisë, janë përodorur armë kimike ku si pasojë mbetën të vrarë të paktën 70 persona.

Këtë e ka bërë të ditur Ministri turk i Drejtësisë Bekir Bozdag në një konferencë për media.

Të paktën 32 viktima nga sulmi i së martës janë transferuar në Turqi si pasojë e helmimit, ndërsa tre prej tyre kanë ndërruar jetë.

Gjatë ditës së djeshme, ekspertët për krime të luftës të Kombeve të Bashkuara e kanë hapur hetimin për sulmin e dyshuar kimik në Idlib të Sirisë..

Një komision hetimor për Sirinë i Kombeve të Bashkuara tha se e ka hapur hetimin nëpërmjet një deklarate me të cilën dënohet sulmi.

Në këtë deklaratë, po ashtu dënohet marrja e dyshuar në shënjestër e një kapaciteti mjekësor, ku po trajtoheshin viktimat e sulmit dhe konstatohet se të dy aksionet “mund të jenë krime të luftës dhe shkelje serioze e të drejtave të njeriut”.

I dërguari për Sirinë i Kombeve të Bashkuara, Staffan de Mistura, u tha gazetarëve në Bruksel se të gjitha indikacionet janë se ky “ishte sulm kimik dhe ishte kryer nga ajri”.

Ky sulm është dënuar nga zyrtarë të lartë të shumë shteteve.

më të fundit

MARKETING

- Advertisement -Newspaper WordPress Theme

më shumë

- Advertisement -Newspaper WordPress Theme