Rihapet për qarkullim qarkorja rrugore në Shkup

Qarkorja rrugore në Shkup e cila ishte e mbyllur pas motit të ligë nga dita e shtunë, sot pasdite nga ora 17.55 është lëshuar për qarkullim në të dy drejtimet, njofton LAMM.
Ka pjesë të autostradës të cilët janë të dëmtuar dhe në ato pjesë janë vendosur shenja komunikacioni për rregullimin e shpejtësisë së qarkullimit të automjeteve. Trafiku në të gjithë rrugët tjera shtetërore zhvillohet pa ndalesa, në vende me rrugë me lagështi.