Një roje e sigurisë e ka vrarë me armë zjarri një diplomat afgan brenda konsullatës afgane në qytetin pakistanez, Karachi, njoftojnë zyrtarë.
Mohammad Zaki Abdu – sekretari i tretë i konsullatës – ka vdekur nga plagët pak pasi që u qëllua, njofton zëdhënësi i konsullatës afgane në Karachi, Haris Khan, transmeton Express.
“Po punonim në zyrën tonë kur dëgjuam të shtëna,” ka thënë ai.
Roja, i identifikuar vetëm si një shtetas afgan me emrin Rahatullah, është dërguar në paraburgim, ka njoftuar zyrtari i policisë, Azad Khan.
Të dy zyrtarët kanë thënë se motivi që çoi në vrasjen e diplomatit ende nuk dihet./Gazeta Express/