Numri i të vdekurve nga Uragani Mangout që goditi Filipinet është rritur.
Sot, autoritetet folën për 81 të vdekur, por ky numër mund të rritet më tej, pasi ekipet e shpëtimit vazhdojnë të kërkojnë për dhjetëra njerëz të cilët janë zënë poshtë nga rrëshqitja e dherave.
Uragani Mangout kaloi të shtunën në pjesën veriore të Filipineve, duke shkatërruar shtëpitë dhe përmbytur tokat bujqësore.
Që atëherë, numri i të vdekurve ka vijuar të rritet nga rrëshqitja e madhe e tokës që ndodhi në qytetin Itoon, në ishullin e Lusonit, në pjesën veriore të arkipelagut.
Dhjetëra njerëz që besohet të jenë të vdekur mbeten ende nën rrënoja.
“Sipas listës zyrtare, 59 persona figurojnë ende të zhdukur në Itogon”, tha Ricardo Jalad, zyrtar i mbrojtjes civile.
“Nëse ua shtojmë atyre që janë identifikuar, ka të ngjarë që raporti të kalojë 100 vdekje”.
Rrëshqitjet u regjistruan kur Mangout hodhi një sasi uji në Lousson Island që korrespondon me një muaj me shi.
Uji shembi një ndërtesë të braktisur në një minierë ari, të cilën punonjësit e minierës dhe familjet e tyre e përdorën si strehë.
