Rivalitetin mes Partisë Demokratike e Vetëvendosjen që është i dukshëm e ka komentuar edhe kryetari i Skenderajt, Sami Lushtaku, i cili u lirua nga burgu para dy javësh, duke u shpallur i pafajshëm nga Gjykata Supreme.
Ai ka komentuar veprimet e deputetit të zgjedhur të Vetëvendosjes, Dardan Molliqaj, i cili kishte nxjerrë nga vetura një zyrtar të Ministrisë dhe kishte dëmtuar veturën zyrtare.
Ndërsa, Lushtaku thotë se dëshiron që të shoh partinë e tij në opozitë për të dëshmuar se ‘kush janë ata’, ndërsa partinë e Molliqajt në pushtet për t’i parë veprimet e atyre që më herët dëmtonin pronën shtetërore.
