Kryeministri i Kosovës, Ramush Haradinaj, ka pranuar telegram urimi për marrjen e përgjegjësive të reja nga Sekretari Amerikan i Shtetit, Rex W. Tillerson.
Sekretari amerikan ka inkurajuar qeverinë Haradinaj që të udhëheqë me intensitet zbatimin e reformave të nevojshme e urgjente, si: sundimin e ligjit, çrrënjosjen e korrupsionit, nxitjen e zhvillimit të qëndrueshëm ekonomik, normalizimin e marrëdhënieve me Serbinë si dhe zgjidhja e çështjes së kufirit të Kosovës me Malin e Zi.
Pika të cilat i ka cilësuar si thelbësore për progresin e Kosovës drejt integrimit euro-atlantik
“Do të punojmë ngushtë me qeverinë tuaj, në qëllimin tonë të përbashkët për Kosovën multietnike e demokratike, si pjesë e stabilitetit dhe prosperimit të Ballkanit”, thuhet në urim.
Thillerson po ashtu ka vlerësuar ka thënë se zgjedhjet e qershorit ishin shenjë e qartë se Kosova ka arritur pjekurinë diplomatike
Në urim thuhet:
Shkëlqesisë së tij Ramush Haradinaj,
Kryeministër i Republikës së Kosovës
I nderuar zoti Kryeministër,
Pranoni urimet e mia për ju dhe popullin e Kosovës për zgjedhjet e mbajtura dhe formimin e qeverisë. Zgjedhjet e qershorit të këtij viti ishin shenjë e qartë se vendi juaj ka arritur pjekurinë demokratike.
Lidershipi juaj është vendimtar në ndërtimin e një të ardhmeje më të mirë për Kosovën dhe bashkëpunimin e ngushtë me fqinjtë, me Shtetet e Bashkuara të Amerikës, dhe me partnerët tjerë ndërkombëtarë.
Ju inkurajoj fuqishëm që të udhëhiqni me intensitet të shtuar e në mënyrë gjithëpërfshirëse, në zbatimin e reformave të nevojshme e urgjente.
Reformat e tilla përfshijnë fuqizimin e qeverisjes së mirë dhe sundimit të ligjit, çrrënjosjen e korrupsionit, dhe nxitjen e zhvillimit të qëndrueshëm ekonomik. Normalizimi i marrëdhënieve me Serbinë dhe zgjidhja e çështjes së kufirit të Kosovës me Malin e Zi, janë thelbësore për progresin e Kosovës drejt integrimit euro-atlantik.
Do të punojmë ngushtë me qeverinë tuaj, në qëllimin tonë të përbashkët për Kosovën multietnike e demokratike, si pjesë e stabilitetit dhe prosperimit të Ballkanit.
