Komisioni i Jashtëm i Senatit amerikan zhvilloi dje një seancë dëgjimore për Ballkanin Perëndimor.
Mes disa çështjeve që u shtruan për diskutim ishte edhe ajo e Ballkanit të Hapur.
Jo vetëm kaq, por Menendez tha se kjo nismë mund të përdoret nga aleati i Serbisë, Rusia për të anashkaluar sanksionet. Lidhur me këtë çështje, i dërguari i SHBA në rajon, Gabriel Escobar tha se BE dhe SHBA nuk kanë të dhëna se sanksionet mund të jenë anashkaluar.
I pyetur nga senatorët se me çfarë kushtesh e mbështet SHBA këtë nismë, Escobar tha se Uashingtoni e përkrah nëse edhe Kosova bëhet pjesë me të drejta të plota.
“Open Balkan është vetëm një mundësi për integrim ekonomik. Duhet të jetë plotësuese, jo konkurrente me gjitha iniciativat e tjera. Kushtet për përkrahje të ‘Open Balkan’ janë që të jetë i hapur për të gjithë, i barabartë për të gjithë. Kjo kërkon që Serbia ta pranojë Kosovën si anëtare e plotë. Fatkeqësisht në shumicën e iniciativave të tjera, përfshirë edhe evropiane, Kosova nuk mund të marrë pjesë si e barabartë. Është mundësi për të krijuar një integrim më të madh të Kosovës në rajon, nëse kjo iniciativë ecën para. Përndryshe nuk e përkrahim”, tha Escobar.
Escobar tha se “mbështet çdo iniciativë që i afron bashkë vendet e Ballkanit për sa kohë ajo iniciativë është në përputhje me standardet e Bashkimit Evropian dhe për aq gjatë sa i trajton njësoj të gjitha vendet”.
“Ne e mbështesim ‘Open Ballkanin’ dhe mbështesim tregun e përbashkët, aq sa e mbështesim edhe Procesin e Berlinit. Ne do të vazhdojmë t’i kontrollojmë me kujdes”, deklaroi ai.
© SYRI.net
