Në Leshak, komuna e Leposaviqit, i është ngritur përmendore pjesëtarit të Ushtrisë së Serbisë i cili është vrarë në luftimet e Koshares në vitin 1999, transmeton Koha.net shkrimin nga radiokim.
Duke e zbuluar dje bustin e tij, për Zoran Mijatoviqin në Leshak, u thanë fjalët më të mira.
Sipas folësve, ai u vra nga “terroristët” shqiptarë më 15 prill 1999, ndërsa eshtrat e tij janë gjetur dhe varrosur në vitin 2003.
Në solemnitetin e organizuar me këtë rast ishin të pranishëm zyrtarë të komunës së Leposaviqit dhe mysafirë të tjerë, të cilët përkujtuan, siç thanë, “ditët e lavdishme të ushtrisë së Serbisë në mbrojtje të territorit saj, Kosovës e Koshares”.
