Gjiganti i teknologjisë, Samsung, është duke punuar shumë në përfundimin e gjeneratës së ardhshme të smartfonëve të avancuar, ku sipas raportimeve të fundit do të lansohet në mars të vitit të ardhshëm.
Seria Galaxy S9 do të përfshijë tre modele, gjë që është diçka e re për Samsungun, transmeton Koha.net. Telefonat në pyetje janë Galaxy S9 dhe Galaxy S9+, si dhe telefoni i ri Galaxy S9 Mini.
Ky i fundit është më interesant. Nga çfarë dihet deri më tani, Galaxy S9 Mini do të ketë ekran më të vogël se 5-inç dhe skaje të lakuara. Detajet tjera në lidhje me këtë telefon interesant ende nuk janë zbuluar, por pritet të lansohet së bashku me Galaxy S9 dhe S9+.
