Me një numër të madh evenimentesh dhe manifestimesh, dje në mbrëmje u shënua 56-vjetori i tërmetit katastrofal i cili me fuqinë e tij shkatërruese në vitin 1963 e shndërroi Shkupin në gërmadha dhe la shumë qytetarë pa shtëpitë e tyre.
Manifestimi qendror u zhvillua në Parkun e Qytetit në Shkup, ndërsa të pranishmëve iu drejtua kryebashkiaku Shilegov.
“Çdo vit, 26 korriku, na kujton solidaritetin e qytetarëve të Shkupit dhe solidaritetin e botës ndaj Shkupit. Vetëm pak orë pas katastrofës, filloi veprimi i madh në të cilin të gjitha fuqitë botërore dhanë ndihmën e tyre dhe e gjithë bota u forcua dhe u mobilizua për të ndihmuar Shkupin dhe qytetarët e saj. Humanizmi i demonstruar ishte aq i madh saqë tejkaloi paragjykimet dhe bindjet politike, kështu që Shkupi u bë takimi i parë i njësive ushtarake të Bashkimit Sovjetik dhe Shteteve të Bashkuara në kulmin e Luftës së Ftohtë”, tha Shilegov.
Meritat e ndihmës nga vendi dhe bota, shtoi ai, bëhen të dukshme kur përmendet se si shprehje e simpatisë dhe mbështetjes së qytetarëve, në ditën e tërmetit dhe në ditët në vijim arritën në Shkup, krerët më të lartë aleatë, një ditë pas katastrofës, arriti edhe Presidenti i RSFJ-së Josip Broz Tito.
“Ai i përballur me tragjedinë e qytetit dhe banorëve të tij, tha: “Shkupi pësoi një katastrofë të pashembullt. Por ne do ta ndërtojmë përsëri Shkupin me ndihmën e gjithë komunitetit tonë. Ai do të bëhet një krenari dhe një simbol i vëllazërisë dhe unitetit, i solidaritetit jugosllav dhe botës”, tha Shilegov.
Në kuadër të programit Guackën në Parkun e Qytetit, para të pranishmëve performuan Kori i përzier i qytetit “Vardar”, më pas performuan Big Band nën drejtimin e Lupço Mirkovskit, ylli i popit Kanita Suma, muzikanti i njohur grek Thanos Stavridis, këngëtarja serbe e muzikës popullore Biljana Kërstiç dhe Vllatko Stefanovski.
