Dy të rinj me origjinë shqiptare janë arrestuar nga policia italiane pasi kishin ngritur një biznes të shitjes së kokainës në Varese dhe provincën e saj.
Bazuar në informacionin e marrë, uniformat blu kanë kryer shërbime dhe aksione të synuara.
Fillimisht u ndalua njëri prej tyre, i cili po udhëtonte me makinë, e nga kontrolli fizik iu gjetën dy doza kokaine të paketuara dhe gati për shitje me pakicë.
Disa minuta më vonë, policia ndaloi të riun e dytë, i cili sapo po dilte nga banesa.
Nga kontrolli i shtëpisë, rezultoi në gjetjen e 155 dozave kokainë, të cilat ishin të paketuara gati për shitje, si dhe një shumë parash rreth 14 mijë euro, të dyshuara se vinin nga trafiku i drogës.
Të rinjtë akuzohen për veprën penale “Posedimi i kokainës me qëllim trafikimin e saj”, ndërsa lënda narkotike dhe paratë e gjetura në banesë janë sekuestruar nga uniforma blu italiane.
