Nje koncert emocinues, qe mbajti te elektrizuar publikun ne salle dhe jo vetem, ishte ai i Shkelzen Dolit dhe 36 artistëve të ansamblit filharmonik të Vjenës. Koncerti i luajtur mbremjen e djeshme ne sallen kryesore te Pallatit te Kongreseve u transmetua drejtperdrejt edhe në televizionin Klan. Per me shume se dy ore, ky koncert pervec virtuozitetit te artisteve solli per artdashesit shume perla te muzikes klasike.
Pjesë e koncertit ishte edhe transmetimi i tre videoklipeve shqiptare, si Baresha, Arbëresha dhe Albanian Soul. Në repertorin e koncertit te luajtur mbremjen e djeshme ishin pjese nga Shtraus, Brahms, Lehar dhe kompozitorëve te tjere te nivelit boteror.
Se bashku me Dolin dhe artistet e Ansamblit Filarmonik te Vjenes, ne skene u ngjit dhe nje tjeter artist i mirenjohur shqiptar, balerini Eno Peçi, pjese e trupes se Teatrit te Operes dhe Baletit te Vjenes.
Mbyllja e koncertit ishte menduar me elemente jo vetem spektakli, por edhe tradite. Ne skene dhe ne salle u shperndane gota te rakise tone tradicionale, ne vend te rakise se trandafilave qe shperndahet ne koncertin e Vjenes, ndersa muzikantet vendosen ne koke qeleshe e qylafe nga zona te ndryshme mbareshqiptare. Me pas notat e Valsit mbi te bukurin Danubin blu elektrizuan sallen e tejmbushur me spektatore.
Por natyrshem kulmi erdhi me Marshin e Radeckit.
Dy vite më parë, violinisti shqiptar me famë botërore, Shkelzen Doli mahniti publikun vjenez me interpretimin e muzikës shqiptare me orkestrën e Filharmonisë së Vjenës.
ABC News
