Një turist britanik ka filmuar një rrahje brutale që ka ndodhur në prezencë të qindra kalimtarëve, në stacionin e autobusëve pranë një resorti luksoz në San Antonio të Ibizës.
Në videon e publikuar më poshtë mund të shihet se si rrahen brutalisht shoferi i autobusit me një pasagjer dhe të dashurën e tij, transmeton Telegrafi.
Pas një fjalosje disa minutëshe, situata eskaloi në rrahje dhe kështu shoferi i autobusit humbi durimin dhe filloi t’i sulmojë.
Ai shihet se si pasagjerin e kap për qafe dhe e rrëzon në tokë, dhe në ato momente futet në lojë e dashura e tij e cila e godet nga pas shoferin.
Por tek pas disa minutave rrahje, ndërhyjnë kalimtarët e rastit të cilët pas shumë përpjekjeve arrijnë t’i ndajnë.
Sipas autorit të videos, incidenti ndodhi kur shoferi i autobusit goditi me shuplakë pasagjerin i cili i është drejtuar me agresivitet. /Telegrafi
https://www.youtube.com/watch?v=SNA30ISaHmM