Kryetari i Prishtinës Shpend Ahmeti vizitoi sot ‘Prishtina Hackerspace’. Ahmeti ka thënë se projekte të tilla dëshmojnë kreativitetin dhe ekspertizën e rinisë.
“Ky projekt dëshmon për kreativitetin dhe ekspertizën që e kemi në rininë tonë. 50% e popullsisë së Kosovës janë nën 25 vjeç, e 70% janë nën 35 vjeç. Përveç që jemi popullata më e re, projektet e tilla na tregojnë se kemi talent të jashtëzakonshëm. Me të rinjtë e tillë, po diskutojmë për aplikacione të ndryshme që do të mund të na ndihmonin shumë në punën tonë të përditshme”, tha ndër të tjera Ahmeti.
“Ne kemi kërkuar që një kohë të gjatë që të ndryshohet ligji për dhënien në shfrytëzim të pronës, për shkak se aktualisht shkon përmes konkurrencës, ku fiton çmimi më i lartë. Kjo na pamundëson që t’i ndihmojmë projektet e organizatave të tilla që nuk e kanë qëllim profitin, e të cilët nuk mund të garojnë me sektorin privat për marrje në shfrytëzim të pronës”, ka shtuar ai.
