Gjykata Supreme në Athinë për më 2 mars e shtyu seancën në të cilën duhej të shqyrtohet rreth ankesës së vendimit për ekstradim të Gjykatës në Selanik për ish-shefin në DSK Goran Grujevski dhe kolegut të tij Nikolla Boshkovski, lajmëroi korrespondenti i MIA-s nga Athina.
Grujevski dhe Boshkovski janë të pranishëm në seancë së bashku me avokatët e tyre.
Në seancën e sotme, krahas ankesës së Grujevskit dhe Boshkovskit do të shqyrtohen edhe 20 raste të tjera.
Dëgjimi i djeshëm i Grujevskit dhe Boshkovskit para Komitetit për azil në Selanik dje u shty. Ata para Komitetit duhej t’i paraqesin arsyet pse kërkojnë azil në Greqi.
Paraprakisht dëgjimi i tyre i parë në Komitet ishte shtyrë sepse ka pasur problem me sigurimin e përkthyesit në gjuhën maqedonase.
Vendimet në Athinë vijnë pas ankesave të tyre pasi Gjykata Themelore në Selanik vendosi që ata duhet të ekstradohen në vend.
Sipas disa vlerësimeve vendore, të dy të arratisurit do të duhet të ekstradohen muajin e ardhshëm, për kur në Gjykatën Penale janë caktuar seancat për “Target – Fortesa dhe Trezor.
Grujevski dhe Boshkovski kërkesë për azil politik në Greqi kanë parashtruar më 29 nëntor të vitit të kaluar.
Me kërkesën e parashtruar për azil politik, ndërkaq, u hap proces i ri paralel dhe plotësues. Grujevski dhe Boshkovski, në Greqi, tashmë kanë tre procese të ndryshme dhe reciprokisht të palidhura, I pari për ekstradim pas fletarrestit të lëshuar ndërkombëtar nga ana e Maqedonisë, i dyti për falsifikim të pasaportave ku u kapën në aeroportin e Selanikut dhe i treti rreth kërkesës për azil.
