Edhe nëse teknologjitë që mund të na bëjnë më të zgjuar dhe më të fortë do të refuzojnë të bëhen “mbinjerëz” dhe thjesht do të duan të mbeten njerëzorë, shkruan focus.it.
Me kalimin e shekujve shpesh kemi pyetur veten se si do të jemi (nëse do të jemi) pas një milion vjetësh: një nga hipotezat më të vjetra, por ende aktuale, është ajo e H.G. Wells, i cili në esenë e tij të vitit 1883 “Njeriu i Vitit Milion” imagjinonte njerëz me pamje aliene me koka të mëdha dhe trupa të vegjël.
Sipas Wells, në të ardhmen e largët speciet njerëzore do të kenë tre opsione: të zhduken, t’i japin jetë specieve të reja ose të ndryshojnë.
Anders Sandberg, studiues dhe futurist në Universitetin e Oksfordit, beson se hipoteza më e mundshme është e dyta: specia e re, megjithatë, nuk do të jetë rezultat i një ndryshimi biologjik për shkak të evolucionit siç e kuptojmë ne, por më tepër i një përmirësimi teknologji që do t’i bëjë disa prej nesh – ata që dëshirojnë – inteligjencë artificiale postnjerëzore ose të superzhvilluara që do të kenë fituar vetëdije dhe do të popullojnë botën pa pasur nevojë për kontrollin e Sapiens.
Një hap tjetër evolucionar, do të jetë ngarkimi i trurit tonë në serverë.
Në këtë rast nuk do të ishte një çështje thjesht speciacioni, por një braktisje e universit të kafshëve për atë të softuerit.
Por pse do të donim të ktheheshim në ”makineri”?
Për disa arsye: të bëhemi të pavdekshëm, duke krijuar kopje dhe kopje rezervë të vetes në serverë të ndryshëm; ose për të udhëtuar në hapësirë përmes internetit ose radios; ose përsëri për të kursyer burimet natyrore, pasi një qenie virtuale konsumon shumë më pak energji sesa ajo fizike.
Ekspertët, megjithatë, nuk pajtohen: nëse nga njëra anë ka nga ata që argumentojnë se AGI tashmë do të shfaqet deri në vitin 2060, nga ana tjetër ka nga ata që besojnë se inteligjenca artificiale nuk do të jetë kurrë në gjendje të “qeveris botën”, vullneti ose inteligjenca nuk mund të modelohen matematikisht dhe pse AI është në thelb matematikore.
Në një milion vjet, raca njerëzore ndoshta do të jetojë si një pakicë, e mbrojtur nga speciet e reja hiper-teknologjike: ne do të jemi si Amishët sot, të cilët jetojnë në disa zona të Shteteve të Bashkuara duke adoptuar një mënyrë jetese të varfër dhe të vjetëruar, të mbrojtur nga shteti si një “trashëgimi kulturore”.
Ka të ngjarë që një ditë shumica e mendjeve të njerëzve do të bëhen softuer: përveç që janë në gjendje të evoluojnë shumë më shpejt, truri i ngarkuar në softuer nuk ha ose pi – dhe për këtë arsye është shumë më ekologjik dhe efikas se një trup fizik.
