Sekretari i Përgjithshëm i Partisë Socialiste është distancuar nga dosja e SPAK për Arben Ahmetaj.
Gjinkuri u shpreh se akuzat ndaj tij janë për qëllime politike dhe nuk ka asnjë provë që tregon paligjshmëri në 2 udhëtimet e tij.
Ai tha se disponon faturat e udhëtimeve me Ahmetajn të cilat ishin për çështje pune.
“Qëndrimet i kam bërë publike në Komision Hetimor. Rast pas rasti gjithkush do përdorë emrin tim për të ngritur kauza politike. Udhëtimet e pretenduara, dy janë, ka dokumentacion përkatës, janë në dijeni, nuk kam pse bëj debat publik. Janë të deklaruara, nuk kam shkuar as për qejf e as s’kam bredh. Roli im si ministër nuk ka asnjë shkelje ligjore në asnjë procedurë. E kam shpjeguar rolin, nuk ka dalë dikush të citojë një shkelje ligji. Çdo ministër përgjigjet për atributin e zyrës që përfaqëson. Secili ministër e ushtron funksionin, këto janë ato që dua të them mos e bëni sikur po hetojmë pacientin zero. Bëhet fjalë për akte zyrtare dhe pasoja konkrete.
Me Arben Ahmetajn kamë bërë udhëtime, si koleg, si ministër. I keni faturat atje, keni gjithçka atje. Aty janë dokumentat, kur të thirrem do të jap shpjegimet. Kam zbatuar ligjin, akuzat politike ka vite që ngrihen ndaj meje, i kam sqaruar. Është shumë vapë tani dhe ju duheni këtu.“-tha Damian Gjiknuri.
Top Channel
