Ministria e Mbrojtjes serbe ka njoftuar se gjatë kontrollit të rregullt të armëve dhe municionit në depot e Beogradit ka vërejtur se mungon një sasi e madhe e armëve dhe municionit.
Tash atje kanë filluar veprime hetimore që janë përfshirë Agjencia e Sigurimit Ushtarak, policia ushtarake dhe Zyra e Prokurorit, raporton B92, transmeton lajmi.net.
Ministri i Mbrojtjes, urdhëroi kontrollin e jashtëzakonshëm të të gjitha depove të armëve dhe pajisjeve të tjera.
“Për të rritur sigurinë fizike dhe teknike të depove ushtarake, ministri i mbrojtjes dhe shefi i Këshillit të Sigurimit kanë marrë tashmë masat e duhura në planin e pajisjes për vitin 2017 i cili parashikon fonde të konsiderueshme për blerjen e pajisjeve që do të mundësojnë zgjerimin dhe monitorimin e objektit me kamera”, thuhet në deklaratën e Ministrisë së Mbrojtjes serbe.
