Dy zyrtarë policorë kanë pësuar lëndime trupore pasi janë sulmuar gjatë kryerjes së detyrës zyrtare në Fushë Kosovë.
Sipas raportit policor, rasti ka ndodhur më 12 korrik 2026 rreth orës 17:30, ku i dyshuari fillimisht ka kanosur verbalisht zyrtarët policorë dhe më pas i ka sulmuar fizikisht, duke u shkaktuar lëndime.
Policia ka ndërhyrë menjëherë duke arrestuar personin e dyshuar. Me vendim të prokurorit, ai është liruar në procedurë të rregullt hetimore, ndërsa rasti po vazhdon të hetohet.
